१६. मुंबई व्हाया लंडन

लंडनला सकाळी-सकाळी पोचलो; विमान वेळेपेक्षा अर्धा तास आधीच उतरलं. इमिग्रेशनचे सोपस्कार आटपून लवकर बाहेर पडू असं वाटलं. पण अमेरिकेसारखाच याही वेळी वैताग आला. उणेपुरे अडीच तास रांगेत घालवल्यानंतरच आमची सुटका झाली. तिथून चुलतभावाच्या, शेखरच्या घरी गेलो. बऱ्याच दिवसांनी उपमा आणि दुधी हलवा असा स्मिताच्या हातचा ‘देसी’ फराळ करून मग सेंट्रल लंडनमध्ये Air bnb मध्ये पोचलो. इथली जागा बघून मात्र निराशा झाली. फोटोत बघितल्यापेक्षा जागा छोटी होती. पण फक्त दीड दिवसांचा प्रश्न होता. प्रकाशच्या सामान पॅकिंगच्या शैलीनुसार दीड दिवस लागणारे कपडे एका छोट्या बॅगेत ठेवले होते. त्यामुळे बाकीच्या बॅगा परत नेण्यासाठी रचून ठेवल्या. विमानात न मिळालेली झोप काढली आणि संध्याकाळी फिरायला बाहेर पडलो. तेव्हा लक्षात आलं की ट्युब स्टेशन अगदी जवळ आहे आणि आजुबाजुला खूप रेस्टॉरंटस् आहेत. मग जागा बरी नसल्याचा राग निवळला. इंग्लिश चहा घेतला. लंडन आय बघायला निघालो. हा पाळणा म्हणजे खास माझ्यासारख्यांसाठी आहे. एवढा उंच असूनही इतका संथ गतीने फिरतो की चक्कर वगैरेचं नावच नको.
img_0900-2
लंडन आय

Continue reading “१६. मुंबई व्हाया लंडन”

१५. फॉल आणि अॅपल पिकिंग

अमेरिकेतलं शेवटचं ठिकाण होतं पोर्टलॅंड मेन. भाचीच्या, ऋचाच्या घरी जेमतेम दीड दिवस राहून मग लंडन आणि मुंबई.
न्यूयॉर्कच्या छोटेखानी घरातलं वास्तव्य मस्त झालं होतं. त्याबद्दल घरमालकाच्या फ्रीजवर आभाराचे शब्द चिकटवून ठेवले आणि JFK विमानतळाचा रस्ता पकडला.
विमानातून पोर्टलॅंडची गच्च झाडी दिसली आणि न्यूयॉर्कच्या कॉंक्रीटच्या जंगलाला सरावलेले डोळे सुखावले. ही झाडं फक्त हिरवी नव्हती. लाल, केशरी, पिवळी, जांभळी अशा विविधरंगी पानांनी लगडलेली झाडं बघणं म्हणजे नजरेला एक मेजवानीच होती. फॉल सीझन आमच्या स्वागताला सज्ज होता. विमानतळ चिमुकला. बाहेर पडल्यावर गावही तसं छोटेखानी, गोड – गोंडस दिसलं. तबियत खुश होऊन गेली.
IMG_20161008_101502.jpg

Continue reading “१५. फॉल आणि अॅपल पिकिंग”

१४. स्मारक ९/११

अमेरिकेला २००९ मध्ये धावती भेट दिली होती. त्यावेळी न्यूयॉर्कला ९/११ स्मारकाचं काम सुरू होतं. २०११ मध्ये स्मारक आणि २०१४ मध्ये म्युझियम लोकांसाठी खुलं झालं.
ज्या ठिकाणी वर्ल्ड ट्रेड सेंटरचे प्रत्येकी ११० मजली असे दोन टॉवर्स होते, ती जागा प्रचंड आहे. तो आकार पाहिल्यानंतर तिथे ९/११ या दिवशी काय प्रपात झाला असेल याची कल्पना येते.
याच जागेवर स्मारक आहे. स्मारकाची रचना कशी असावी हे ठरवण्यासाठी जागतिक स्तरावर एक स्पर्धा घेतली गेली. ६३ देशातून ५२०० रचनांमधून अंतिम रचना निवडली गेली. आर्किटेक्ट मायकेल आराद आणि लॅंडस्केप डिझाइनर पीटर वॉकर यांनी स्मारकाची निर्मिती केली आहे.
प्रत्येकी एक एकर जागेत Twin reflecting pools आहेत. उत्तर अमेरिकेतले, मानवनिर्मित सर्वात मोठे पाण्याचे धबधबे इथे आहेत. धबधब्यातून पाण्याचा प्रवाह अखंड सुरू आहे आणि हे पाणी खालच्या डोहाकडे झेपावतंय. सभोवताली या दुर्घटनेत बळी पडलेल्यांची नावं कोरली आहेत.
img_0825

Continue reading “१४. स्मारक ९/११”

१३. न्यू यॉर्क – २

न्यूयॉर्कच्या ब्रॉडवेवर एक नाटक बघायची इच्छा होती. म्हणून The Lion King या musical ची तिकिटं भारतातूनच काढली होती. अॅनिमेशन फिल्मच्या नाट्यरुपांतराचा हा संपूर्ण प्रयोग अप्रतिम होता. सगळ्या गाणाऱ्यांचे आवाज सणसणीत, खणखणीत आणि त्याचवेळी सुरेल, भावपूर्ण होते. तंत्राचा भरपूर वापर होता, पण तो अंगावर येणारा नव्हता. कलाकारांच्या डोक्यांवर प्राण्यांचे मुखवटे होते. त्यामुळे तसे त्यांचे चेहरे दिसत होते. पण पुढे पुढे चेहऱ्याकडे लक्ष न जाता ते मुखवटेच ठळक झाले. प्रेक्षकांमध्ये लहानांप्रमाणे प्रौढ माणसंही होती. आणि सगळेजण नाटकाची मजा घेत होते.
img_20161005_184706
लायन किंगचं मिन्स्कॉफ थिएटर

Continue reading “१३. न्यू यॉर्क – २”

१२. न्यू यॉर्क – १

वॉशिंग्टनहून न्यूयॉर्कला पोचलो. इथलं Airbnb चं घर फारच मोक्याच्या ठिकाणी होतं. टाईम्स स्क्वेअरपासून अक्षरशः पाच मिनिटांवर. मॅनहॅटन परिसरातल्या रस्त्यांची रचना आणि क्रमांक अतिशय सुटसुटीत आहेत. उभे अॅव्हेन्यू आणि आडवे स्ट्रीट. चुकायला संधीच नाही. टाईम्स स्क्वेअरवर दिवसाच्या कोणत्याही प्रहराला लखलखाट असतो आणि अठरापगड माणसांची ये जा सुरू असते. तिथे NYPD – न्यूयॉर्क पोलिसांची चौकी आहे. त्यांची गस्त चालू असते. त्यामुळे हा भाग अगदी मध्यरात्रीसुध्दा पर्यटकांसाठी एकदम सुरक्षित आहे असं इथले वाटाडे सांगतात.
img_0840
न्यू यॉर्कमधलं एअर बी ॲंड बी
Continue reading “१२. न्यू यॉर्क – १”

११. राजधानीत.

सॅन होजेच्या पश्चिम किनार्‍याकडून आमचा मोर्चा हळूहळू पूर्व किनार्‍याकडे येणार होता. मुंबईला पोचल्यावर जेट लॅगचा त्रास कमीत कमी व्हावा यासाठी प्रकाशने ट्रीपची आखणी अशी केली होती. त्यानुसार पुढचा मुक्काम वॉशिंग्टनला होता. पुन्हा एकदा, पहाटे साडेचारला निघालो. आमच्याबरोबर मिलिंद – मृणालिनीलाही लवकर उठावं लागलं, त्यामुळे अपराधी वाटत होतं. पण शनिवार असल्याने घरी येऊन पुन्हा झोपण्याचं आश्वासन मिलिंदकडून मिळालं. Continue reading “११. राजधानीत.”

१०. गोल्डन गेट, क्रुकेड स्ट्रीट आणि राफ्ट

सॅन होजेहून सॅनफ्रॅन्सिस्को तासादीडतासावर आहे.
भाची शाल्मलीबरोबर तिथे गेलो. मनसोक्त फिरलो. गोल्डन गेट ब्रिज, गिराडेली आईस्क्रीम, आठ वेडीवाकडी वळणं असलेला अर्थपूर्ण नावाचा ‘क्रुकेड’ स्ट्रीट….
img_20160926_121127
गोल्डन गेट ब्रिज

Continue reading “१०. गोल्डन गेट, क्रुकेड स्ट्रीट आणि राफ्ट”

९. योसेमिटी, पॅसिफिक आणि गूगल

अमेरिकेत प्रवेश केला तो ओर्लँडोमधून. तिथून व्हेगस. ही दोन्ही ठिकाणं म्हणजे खरी अमेरिका नाही असं बऱ्याच जणांनी सांगितलं. पुढचा मुक्काम सॅन होजेला होता. तिथे अमेरिका दिसायला लागली.
ट्रंप आणि हिलरी याचं पहिलं डिबेट तिथे पाहिलं.
बे एरिया – सिलिकॉन व्हॅली, एकूणच कॅलिफोर्निया राज्य डेमोक्रॅट्सच्या बाजूचं आहे. त्यामुळे अर्थातच इथे ट्रंपना मोठा विरोध आहे. सॅनफ्रॅन्सिस्कोमधल्या एका दुकानात ट्रंपची टवाळी करणारी कार्टून्स झळकत होती.
IMG_0462.JPG Continue reading “९. योसेमिटी, पॅसिफिक आणि गूगल”

८. बेलाजियो, झगमगाट आणि ‘ग्रँड’ ग्रॅंड कॅनियन

img_0253आमचा महिन्याभराचा प्रवास. एकूण दहा ठिकाणी मुक्काम. त्यातल्या सात ठिकाणी विमानाने गेलो. प्रत्येक विमानप्रवासात चेक्ड इन बॅगांची वजनं, जवळ ठेवण्याच्या बॅगेत काय ठेवायचं नाही इत्यादी गोष्टी काळजीपूर्वक बघाव्या लागत. त्याची सवय होऊन गेली. तीन प्रवासांसाठी भल्या पहाटे, अगदी चार वाजता निघावं लागलं. तेव्हा मात्र जिवावर येत होतं. भरपूर फिरून रोजच दमणूक झालेली असायची. तरी पहाटे तीनला उठून चारला बाहेर पडणं हे करावं लागलं. पण नव्या दिवशी नवा उत्साह असायचा. ओर्लॅंडो – व्हेगस विमानातून पहाटे पहाटे टिपलेलं आकाश.

Continue reading “८. बेलाजियो, झगमगाट आणि ‘ग्रँड’ ग्रॅंड कॅनियन”

७. मॅन ऑन द मून… अर्थात नासा.

ओर्लँडोच्या मुक्कामात दुसर्‍या दिवशी केनेडी स्पेस सेंटर, अर्थात नासाला भेट दिली. युनिवर्सल स्टुडिओतलं जग पूर्णपणे मनोरंजनाचं होतं. तर इथे दिसलं ते अस्सल वैज्ञानिक विश्व. रॉकेट सायन्समधले महत्वाचे टप्पे, पुनर्वापर करता येतील अशा अवकाशयानांचा, त्यांच्या अयशस्वी मोहीमांसकटचा इतिहास आणि एकूणच नासाच्या कर्तबगारीचा चढता आलेख.
img_20160919_145333-2
रॉकेट लाँचिंग स्टेशनच्या दिशेने जाताना वाटेत नासाच्या मुख्य बिल्डिंगचं दुरून दर्शन झालं.
Continue reading “७. मॅन ऑन द मून… अर्थात नासा.”